Fréttablaðið og eBay

Ég á grein um Engagement í Fréttablaðinu í dag. Hugtakið er fretkar erfitt að útskýra og því greinin kannski heldur of tæknileg fyrir leikmann að lesa en ég hef reynt að halda öllum skrifum á því leveli að einhver sem veit ekkert um markaðsmál skilji.

Í annað, er ég að missa mig á ebay 1 2? Nú er ég hættur í bili!

Geta auglýsingar breytt því hvernig áhrif vörur hafa á fólk?

Í Journal of Marketing Research fyrir nokkrum árum var gerð könnun á orkudrykkjum og áhrif af neyslu þeirra. Neysla orkudrykkja hefur líkamleg áhrif, eykur blóðþrýsting. Það er því auðvelt að kanna hversu vel neysla þerra hefur áhrif á neytendur.Í stuttu máli voru nokkrir hópar, hluti fékk orkudrykk með virkum efnum (líkt og Bomba og Magic) aðrir drykk með engum virkum efnum. Öllum hópum var sagt að þeir væru að drekka orkudrykki.

Blóðþrýstingurinn hjá þeim sem drukku drykkinn með engum "orkuefnum" jókst jafn mikið og hjá þeim sem drukku orkudrykk í raun og veru. Ef hóparnir trúðu því að orkudrykkir myndu auka blóðsþrýstinginn, sama hvort þeir drukku orkudrykk eða drykk sem var með engum virku "orkuefnum", þá jókst blóðþrýstingurinn hjá þeim.Með orðum orðum, markaðsherferðir geta haft áhrif á eiginleika vöru!

Hefur ritstjórnarstefna blaða áhrif á virkni auglýsinga í þeim?

Auglýsendur á Íslandi taka oft ákvarðanir um að auglýsa ekki í ákveðnum miðlum (slúðurblöðum sem dæmi) ef ritstjórnarstefnan þar er þeim ekki að skapi. Þeir telja að trúverðugleiki auglýsinganna þeirra sé lakari í slíkum miðlum en öðrum.
Er auglýsingin þín trúverðugri í National Enquirer en People?

Í rannsókn Valentine Appel Editorial Environment and Advertising Effectiveness sem birtist í Journal of Advertising Reseach des 2000 komst höfundur að því að trúverðugleiki sé ekki minni í slíkum blöðum á meðal lesenda þeirra. Með öðrum orðum, ritstjórnarstefna blaðsins hefur engin áhrif á viðhorf lesenda þess á auglýsta vöru.

Í stuttu máli, á meðal lesenda National Enquirer nýtur auglýsing sama trúverðugleika og í People. Þeir sem lesa hins vegar ekki National Enquirer höfðu ekki sömu trú á auglýsingunni í rannsókninni. Það skiptir auglýsendur auðvitað litlu því þeir sjá ekki auglýsinguna í miðlinum hvort eð er, þar sem þeir lesa aldrei blaðið.

Ef við heimfærum yfir á Ísland eru engar vísbendingar sem benda til þess að GK vörumerkið eigi eitthvað síður heima í DV en Blaðinu. Í báðum miðlum nær auglýsingin sömu hughrifum á meðal lesenda miðlanna. Dekkun þeirra og snertiverð er þá það sem eftir stendur.

Working, writing and learning.

A lot of my friends from Canada just graduated. I was planning to be there during graduation but I had to cancel that plan because of my new job. Life is pretty busy these days with school, the job and I am also trying to write in between battles.

My dad turned 60 years old last Saturday and had a great party that lasted until morning. That was great, to meet all my relatives and to party with them.

All my plans seem to be changing these days because my planed trip to Canada (New Iceland) has also been cancelled because my brother is getting married in the middle of July! I thus decided to go to London on June 16th over the long weekend. I already have the ticket and hope that this plan will hold!! A friend from Acadia, Dalia, is also getting married in september in London. I and Audun are planing a trip to attend the wedding which would be great. Then its Chris and Cass in Australia next year...lots of weddings coming up :)

My school’s plan to go to China is going great. We had a vote recently and a great majority was in favor of going to China this September. I and a friend from my MBA program are now planning the trip with our professors. We have also been talking about some fund raising options like to release an MBA magazine. More on that later.

…back to the books.

Ofbeldisbrotum hefur fækkað talsvert undanfarin ár en fíkniefnabrotum og kynferðisbrotum fer fjölgandi. Ég tel reyndar að kynferðisafbrot séu að aukast vegna meiri umræðu um þessi mál sem auðveldar fólki að koma fram og kæra, en ég hef ekkert nema tilfinningu mína sem rök fyrir þessari skoðun.

Auðgunarbrotum hefur hins vegar fækkað og eignaspjöll voru færri 2003 en 1999.
Þó ofbeldisverkin sem við fréttum af í fjölmiðlum séu flest tengd fíkniefnaheiminum (amk segja fjölmiðlar það) flokkast þau sem ofbeldisbrot hjá lögreglunni og því áhugavert að sjá að þeim brotum fækkar á meðan fjöldi fíkniefnabrota eykst. Hvaða ályktun ættu maður að draga af því?

Sumarbústaðarferð, Skóli og Útvarp Saga kl 13 á morgun

Í nótt var ég í sumarbústað á Flúðum. Þar hitti ég Gunna, Eir og Elísu en Atli dj var einnig með okkur. Við áttum frábært kvöld, borðuðum dýrindis mat, fengum okkur ölara í pottinum og spiluðum.

Dagurinn í dag hefur verið notaður í lærdóm en í kvöld er það svo fertugsafmæli og tónlistarflutningur að því loknu í nótt. Á morgun er það hópfundur með skólanum en kl 13 verð ég á Útvarpi Sögu með honum Orra vini mínum þar sem við munum ræða hlutverk ríkisins í menningu og listum, sem við auðvitað teljum ekki vera neitt.

Í gær hækkaði Seðlabankinn stýrivexti sýna um 25 punkta og standa þeir nú í 9%. Þetta gerir bankinn til þess að reyna sporna við verðbólgunni sem stendur nú í 4,7% en lögum samkvæmt ber Seðlabankanum að halda verðbólgunni á milli 1 til 4% eins og þolmörkin á myndinni hér að neðan sýna.

Sé húsnæðisliðurinn tekin út úr vísitölunni stendur verðbólgan í aðeins 2%. Það er því þessi mikla hækkun á fasteignaverði sem er að skapa þennan verðbólguþrýsting. Á sama tíma má ekki gleyma að fjármagnskostnaður hefur lækkað mikið sem maður myndi ætla að yrði til lækkunar í vísitölunni. Staðreyndin er hins vegar sú að fimm ára meðaltal af raunvöxtum er notað við gerð vísitölunnar svo lækkun vaxta undanfarið hefur ennþá lítil áhrif á hana.

Þetta fyrirkomulag er svolítið magnað þar sem verðbólgan hefur gríðarleg áhrif á allt þjóðfélagið. Það er verulegt umhugsunarefni af hverju fimm ára meðaltalið er notað því hæglega væri hægt að nota 6 mánaða eða 12 mánaða meðaltal sem myndi gera það að verkum að vísitalan yrði mun lægri en hún er núna.

Það er eðlilegt að verksmiðjur flytji til láglaunalanda

Eftir því sem lönd þróast eykst framleiðni þeirra. Framleiðniaukning á sér stað þegar minna af auðlindum þarf til að framleiða meira en áður. Sem dæmi hefur aldrei þurft eins fáar hendur til þess að framleiða svona mikið magn af landbúnaðarvörum á Íslandi. Hlutfall þjóðarinnar í landbúnaði hefur hrapað en á sama tíma hefur framleiðsla hlutfallslega aukist.

Hlutfall þjóðarinnar sem starfar í landbúnaði:

1801- 86,4%
1870 – 81,1%
1940 – 31,8%
1990 – 4,9%

Það sem gerist þegar færri hendur þarf sífellt til þess að framleiða ákveðnar vörur er að starfsfólk fer á milli atvinnugreina. Fólk hættir í atvinnugreinum þar sem það fær lág laun því vinnuframlag þeirra skilar litlu og fer yfir í greinar þar sem vinnuframlag þeirra skilar miklu sem aftur gefur fyrirtækjunum möguleika á að borga hærri laun.

Framleiðni starfsfólks á Íslandi er mjög hátt og því eru laun há. Í Kína er framleiðni starfsfólks lág og því eru launin lág þó þetta sé að breytast, en hægt. Öll lönd lenda í því að störf tapast í ákveðnum greinum vegna þróunar en galdurinn er að ný störf verða til í öðrum greinum sem að öllu jöfnu gefa hærri laun. Meira að segja Kína er að lenda í því að tapa störfum í iðnaði eins og meðfylgjandi mynd sýnir:

Þegar Kína hefur þróast meira á landið eftir að ganga í gegnum það sama og vesturlönd eru að ganga í gegnum núna. Þ.e.a.s. að verksmiðjur eiga eftir að flytjast frá Kína til annarra landa þar sem vinnuaflið er ódýrar og ný fyrirtæki opna í landinu þar sem vinnuaflið nýtist betur.

Hugmynd fyrir Bónus?

Menning og skrif

Ég er búinn að vera öfga menningalegur undanfarið og séð:

Hýbýli Vindanna: Magnað verk um svaðilför Íslendinga sem héldu til vesturheims í leit að betra lífi. Mér var sagt að verkið hafi verið 4 tíma verk í upphafi en verið stytt mjög viku fyrir frumsýningu. Ég býð því spenntur eftir framhaldinu þar sem nóg efni er eftir!

Brotið: Um ástina og það hversu langt fólk er tilbúið að ganga vegna hennar. Verkið er alveg frábært en það er hún Þórdís vinkona mín sem samdi það. Verkið snertir mann mjög og hvet ég alla til að skella sér...ótrúlega magnað verk!!

Ég er ekki hommi: Hin besta skemmtun, sýnt í Lofkastalanum. Það er búið að vera mikið fjaðrafok vegna atriðis þar sem prestur misnotar lítinn dreng og þá aðallega vegna þess að allir sýningargestir hlæja yfirleitt yfir allt atriðið. Það þykir auðvitað ekki rétt í þessum fullkomna heimi okkar. Reyndar hlær maður af tvískinnunginum í prestinum en ekki sifjaspjallinu sjálfu en fæstir ná því held ég. Frábær skemmtun í alla staði!

Pilobolus: Danssýningin sem var í Laugardalshöll um síðustu helgi. Vá, þvílík upplifun. Það var eins og þyngdarlögmálið hafi verið tekið úr sambandi á sviðinu á tímabili. Algjör snilld og er víst að slá í gegn út um allan heim, voru í 60 mínútum nýlega ofl.

Ég hef einnig verið að skrifa talsvert undanfarið. Meðal annars tvær greinar í Mannlíf sem birtast fljótlega, meira um það síðar.

Skólinn á annars hugann minn óskiptan þessa dagana. Fór í tvær áhugaverðar fyrirtækjaheimsóknir í gær en bæði fyrirtækin eiga það sameiginlegt að vera í mikilli baráttu við samkeppni frá Kína.

Taflan var fengin hér.

Alltaf hræddur

Það er ýmislegt sem maður uppgötvar þegar maður kemur heim eftir að hafa dvalið lengi í vanþróuðu ríki, líkt og ég gerði í nokkra mánuði í Suður Afríku. Í Suður Afríku var maður alltaf hræddur sem gerist aldrei á Íslandi. Í Mowbray (úthverfi Cape Town) þar sem ég bjó var sem dæmi stór hættulegt að fara út eftir kl 6 á kvöldin. Drugistarnir voru þá á ferli og fólki rænt, það drepið og nauðgað eins og ekkert væri sjálfsagðara en lögreglan reyndi yfirleitt að flýta sér hægt þegar hún var kölluð til svo hún þyrfti ekki að mæta afbrotamönnunum.

Það var því eins og maður væri í fangelsi á kvöldin, lítið að gera nema lesa eða horfa á sjónvarpið. Fjölskyldan sem ég bjó hjá átti 2 bíla sem báðir voru bókstaflega að hrynja, ótryggðir og höfðu aldrei verið skoðaðir. Þá var hægt að leigja fyrir 500kr á dag en það var eina leiðin til þess að fara eitthvað á kvöldin. Samt var ekki hægt að fara hvert sem var og stórhættulegt að leggja bílnum langt frá þeim stað sem maður ætlaði á. Helst að leggja beint fyrir utan og hlaupa svo inn þangað sem maður ætlaði.

Að vera á bíl fylgdi samt önnur hætta en sú var að ef bíllinn bilaði voru líkurnar mjög miklar að maður yrði rændur. Það var sem dæmi átak þegar ég dvaldi í Suður Afríku gegn morðum og ránum á hraðbrautinni í þeim tilfellum sem bílar fólks biluðu. Þá stoppuðu ógæfumennirnir, rændu fólk og lömdu oft til dauða og héldu svo áfram. Ekki bara að nóttu til heldur einnig á meðan sólin skein. Öryggið var því langt frá því að vera tryggt með því að vera á bíl.

Ungur Breti sem ég spjallaði örlítið við þegar ég fór í hákarlaköfun lenti t.d. í því að vera stunginn af 12-13 ára krökkum sem voru að betla pening af þeim. Þetta gerðist á göngugötu þar sem mikið var um bari og skemmtistaði sem við fórum oft á. Maður var þess vegna alltaf hræddur og alltaf að líta um öxl en leið því aldrei eins og maður væri alveg öruggur sem er hræðileg tilfinning.

Það er brandari í Suður Afríku sem hljóðar svo: ,,Hvernig þekkirðu Suður Afríku búa í London? Hann er alltaf að líta um öxl" Brandarinn var fyndin fyrsta daginn sem ég kom til Suður Afríku en svo fór hann sífellt að hljóma meira eins og staðreynd.

Að lokum til að komast í herbergið sem ég bjó í þurfti ég að fara í gegnum 3 læstar dyr + eitt hlið. Það mátti alltaf sjá á hversu háir steinveggirnir voru í kringum hús í Cape Town hversu efnað fólkið sem bjó þar var en á öllum húsum stóð: Armed Response team. Það eru einkareknar öryggissveitir sem skjóta víst áður en þeir spyrja þegar þeir eru kallaðir út!!! Ég kynntist engum sem höfðu ekki lent í alvarlegum ránum á meðan ég dvaldi þarna og flestir þekktu einnig til fjölskyldna sem höfðu misst ástvini vegna morða. Ótrúlegur heimur alveg.

Greinasafn uppfært og Landbúnaður

Ég var að uppfæra greinasafnið í ,,Writings”. Þangað var ég að setja inn greinar sem ég hef skrifað undanfarið í Ósýnilegu hönd Frjálshyggjufélagins.

- - -

Stutt um íslenska sauðfjárbændur. Í hvert sinn sem stéttin lendir í óförum hleypur ríkisvaldið af stað og virðist sífellt halda að með auknum afskiptum, og styrkjum, geti það komið stéttinni í bjargálnir. Á sama tíma hafa laun sauðfjárbænda farið lækkandi og voru árið 2002 að meðaltali 978.000kr á ári. Til gamans má geta að ef heildargreiðsla ríkisjóðs til þeirra (2,5 milljarðar á ári) færu í að greiða sauðfjárbændum laun fengi hver þeirra um 1,1 milljón á ári sem er hærra en meðallaunin þeirra!

Þrátt fyrir alla þessa milljarða sem ríkið dælir í landbúnaðinn á Íslandi eru bændur ein fátækasta stétt landsins, borgararnir þurfa að borga 1 milljarð á mánuði til að styrkja þá og neyðast til að borga mun meira fyrir matvörur vegna tollamúra. Hverjum er greiði gerður með þessu kerfi?

Þau rök að án landbúnaðarkerfisins leggist byggðin á landsbyggðinni af er einnig hæpin. Geirum innan landbúnaðarins er í fyrsta lagi mjög mismunað varðandi styrki. Sumir geirar landbúnaðarins fá mikið, aðrir lítið sem ekkert. Aðrar atvinnugreinar á landsbyggðinni fá auðvitað ekkert. Ennfremur þegar rýnt er í fjölda Íslendinga á aldrinum 18-65 ára sem búa á landsbyggðinni, sem eru 70680, og þá staðreynd að aðeins 3650 af þeim starfa í landbúnaði, sem gerir um 5,16%, sést hversu mikil mismunun felst í þessari byggðarstefnu. 5% af landsbyggðinni nýtur góðs af milljarðinum sem við kostum til á mánuði.

Ef þessu rugli yrði hætt væri hægt að lækka skatta fjölskyldna á Íslandi um rúmlega 12.000kr á mánuði sem er sýnilegur, sá ósýnilegi (í byrjun amk) væri smá saman aukið matvöruúrval á mun betri verðum en Íslendingar hafa áður fengið að njóta hér á fróni.